Måndag 1.oktober starta pedagogikk timen med at Birgit tok vennleg i mot oss med, ho handhelsa på kvar enkelt elev og inne i klasserommet hadde ho tent lys på kvar pult. Dette var ein god måte og starta dagen på, spesielt ein måndagsmorgon. Dei to første timane var satt av til gjennomgang av arbeidsmetodane me hadde jobba med. Det var mange ulike metodar, og det var spennande å høyra om dei ulike metodane. Dei fleste var kjente, men storyline og bifrost var heilt nye for min del. Det blir spennande og prøva dei ut i praksis ein gong, kanskje allereie om nokre veker?! Eg må vel innrømma at eg syns det blei litt mange framføringar, ein datt litt ut mot slutten. Og sidan dei fleste hadde jobba åleine, blei det ikkje så god flyt i framføringane. Det hadde gjerna vore betre om me hadde delt det litt opp, og gått gjennom litt færre metodar om gongen. Akkurat nå flyt dei ulike metodane litt om kvarandre oppi mitt hovud, så det er godt me skal få dei utlevert og!
I dei to siste timane hadde me om korleis ein kan leia basisgrupper. Eg beit meg særleg merke i detta med å vera ein tydeleg vaksen. Det trur eg er viktig. Ein skal ikkje vera ungane sin bestekamerat, og spesielt som nyutdanna ung lærar kan det gjerna bli eit problem. Ein vil gjerna at ungane skal lika ein, og då kan ein fort bli for mye kompis. Det er viktig og visa kor grensene går, og setta tydelege grenser, frå starten av. Ein må setta seg i respekt gjennom å vera tydeleg, men vennleg, gi klare beskjedar om kva ein forvent av elevane, stå for det ein seier, og vera konsekvent. Ein skal ha autoritet, men ikkje vera autoritær, som Birgit sa. Og med det meiner eg at ungane skal ha respekt for læraren sin, men dei skal ikkje frykta læraren. Ein skal ikkje vera ein diktator som berre køyrer på utan og ta omsyn. Det er noko eg syns er utrolig viktig, dersom ein har ein lærar med autoritet trur eg at ein får ein godt arbeidsmiljø. Gjensidig respekt er noko eg setter høgt.
Samfunnet er i stadig endring, og skulekvardagen har endra seg mykje berre sidan eg gjekk på skulen. Det blir viktigare og viktigare og følgja med på kva som skjer. Når me ein dag blir ferdigutdanna lærarar, er me ikkje ferdig utdanna. Ein lærer så lenge ein lever, og sjølv om ein har fått eit vitnemål som seiar at ein er allmennlærar, så vil ikkje det sei at ein ikkje treng læra meir, eller ikkje treng følgje med på kva som skjer. Ein må heile tida holde seg oppdatert på kva som skjer, og sjå på kva som røyrer seg der ute. Ein må vite kva ungane er opptekne av, kva interesser dei har. På den måten kan ein lettare byggja relasjonar til elevane, og gode relasjonar er viktig for å vera ein god autoritet og for å få eit godt klassemiljø. God rutinar og god struktur er og to viktig ting som bør vera på plass frå starten av.
Birgit snakka og litt om at god arkitektur gir god læring. Eg trur nok det er noko i det, men det er ikkje avgjerande trur eg. Då eg gjekk i 1.-3. klasse hadde me undervisning i ein 100 år gammal skule, er måtte me ut for å gå på toalettet og romma var gamle og slitte. Men eg likte meg utrolig godt der, skulen låg rett ved ein skog og den vart brukt utroleg mye i friminutta. Ein kunne og bruka den i undervisninga. Då eg begynte i 4.klasse flytta me inn i eit heilt nytt skulebygg, og sjølvsagt var det ekstra stas, men eg veit ikkje om læringsutbytt vart noko betre der!? Men sjølvsagt, ein fin skule gjer at trivselen aukar, og god trivsel er viktig for læringsutbytte og læringsmiljøet. Så at arkitektur er viktig tvilar eg ikkje på.
Eg likte godt oppskrifta på god læring, den skal eg ta med meg vidare og ha i bokhovudet når eg skal laga eit undervisningsopplegg.
Me hadde og litt om mobbing, og fekk blant anna sjå ein film som handla om ein gutt som hadde blitt kraftig mobba på skulen. Administrasjonen på skulen hadde etter mi formeining ikkje tatt skikkeleg tak i problemet, og hadde ikkje satt i gang dei store tiltaka for å betra situasjonen. Det gjekk så langt at eleven til slutt bytta skule, og om eg ikkje hugsar feil anmeldte saken. Det er heilt feil at nokon skal ha det sånn, at elevar blir slått og mishandla av medelevar (eller andre) både verbalt og fysisk.
På radioen tidligare i haust høyrte eg at de snakka om mobbing, og eg meiner å hugse at dei sa at så mange som over 35 000 elevar blir mobba på skulen. Eg trur nok at dette talet er ennå høgare, det er nok mange mørketal her. Samstundes er det gjerna elevar som seier at dei blir mobba når det berre er snakk om litt erting. Men uansett om det er mobbing eller erting, så er det i grunn like gale.
Olweus er eit prosjektet som blir brukt på mange av skulane i vårt distrikt. Dette er eit prosjekt som skal forhindre mobbing. Då me var på Skåredalen blei det lagt fram resultat frå ei spørjeundersøking som var gjort gjennom Olweus. Denne undersøkinga blei gjennomført kvart år, og ved hjelp av resultata kunne ein sjå korleis utviklinga var på skulen. Det viste seg at fleire elevar følte seg mobba på skulen, men eg syns det var litt vanskelig å få tak i et statistisk korrekt bilde. Men så lenge ein person blir mobba på ein skule, bør ein setja inn tiltak mot mobbing. Ein person, er ein for mykje. Eg syns det er bra at opplæringslova har fått eit eige kapittel mot mobbing, mobbelova kap 9a. Birgit hadde lagt ved ein link eller noko til ein film om Olweus, denne fekk eg ikkje opna, så får gjerna komma tilbake til den.
Eit godt læringsmiljø og klassemiljø kan vera ein faktor som forhindrar mobbing, og her vil læraren spilla ei sentral og viktig rolle. Ein lærar må kunne rosa og oppmuntra, og som Birgit påpeika så må rosen vera: begrunna, konkret, spontan, ærleg og relatert til noko klassen eller eleven tidlegare har utretta for at den skal ha noko for seg. Dersom læraren går foran som eit god forbilde og brukar ros på ein god måte, vil etterkvart elevane følgje etter trur eg.
Lp modellen er ein modell lærarane kan bruka for å møta dei ulike utfordringane ein møter i klasserommet, og den kan vera til hjelp for å få eit betre klassemiljø. Heile skulen må ta i bruk modellen for å oppnå suksess, og lærarane jobbar saman i grupper på 5-6 personar. I gruppene tar dei opp dei ulike utfordringane, reflekterer over og analyserer utfordringa, og prøver å finna ut kva faktorar som gjer at ein har ein vanskeleg situasjon. Når ein har dette klart for seg, kan ein
diskutera strategiar og tiltak som kan brukas for å løysa utfordringa/problemet. Så må ein prøve og gjennomføre det, og til slutt må ein vurdere heile situasjon(alle ledd). Det er viktig at ein går gjennom alle trinna i rett rekkjefølgje.
Analysemodellen
- Formulering av utfordringer,
- tema eller problemer
- Målformulering
- Innhenting av informasjon
- Analyse og refleksjon
- Strategi og tiltaksdel
- Utvikling av strategier og tiltak
- Gjennomføring av valgte strategier
- Evaluering
- Revidering
Eg syntes dette høyrtes ut som ein spennande måte å arbeida på, og eg trur at dersom ein får alle med på det vil det hjelpa. Det er som oftast betre å jobba i team enn åleine, for 6 hovuder tenkjer betre enn eit!